A
súa labor é asistir, asesorar e informar a mulleres e familias en
temas de lactación materna e tamén de crianza.
¿Por
qué é tan importante a lactación materna?
O leite
materno é o mellor alimento para o meniño e adaptase ás súas
necesidades ó longo do seu crecemento.
Ademais de
proporcionar a mellor nutrición tamén ofrece protección contra
moitas enfermidades tanto ós fillos (diabete infantil, obesidade,
pneumonía, asma, diarrea, alerxias,…) como ás nais (osteoporose,
cancro de mama e ovario, reduce o risco de hemorraxia e depresión
post-parto, axuda a recuperar a forma,…)
¿Sabías
que o leite materno varía a súa composición incluso nunha mesma
toma? No primeiro é máis acuosa para saciar a sede, moi rica en
lactosa e hidratos de carbono e cara o final máis graxa.
¿Qué
fai Chuchamel?
A nosa labor
social basease no acompañamento a nais e familias do Morrazo
que precisan de información ou apoio na lactación materna, e
actuamos en tres frontes:
- Apoio a domicilio, a mamás de recen nacidos con dúbidas ou problemas coa lactación, sen custo e para todas as mamás que o precisen, sexan socias ou non.
- Reunións regulares na Casa da Bola , que se celebran o segundo e derradeiro venres de cada mes. Calquera persoa que precise informarse sobre estes temas pode acudir ás nosas reunións, non é preciso asociarse.
- Actividades, talleres e cursos, nos que o eixo é a lactación e a crianza.
¿Ónde
atoparnos?
Casa
da Bola,
en Cangas, local cedido polo Concello de Cangas, onde nos reunimos o
segundo e derradeiro venres de cada mes a partires das 18h.Teléfono: 675055157
Correo electrónico: asociacionlactanciachuchamel@gmail.com.
Mantemos unha páxina en Facebook https://www.facebook.com/chuchamel.
¿Cómo
colaborar coa asociación?
Difundindo a
nosa labor, axudando a realizar actividades, etc.
Quen o desexe
pode asociarse (12 euros anuais) ou facer unha doazón, indicando o
concepto “cota de socio” ou “doazón” e o nome
completo.
Ningún comentario:
Publicar un comentario